Слонімскія мэдыкі сёньня далі заключэньне, што паводле стану здароўя Віктар Валадашчук ў мірны час нягодны да вайсковай службы.

Са слоў В.Валадашчука, ён праходзіў сёньня мэдыцынскую камісію разам з навабранцамі. Пасьля аднёс вынікі ў ваенкамат, дзе яму й сказалі, што ён можа ісьці спакойна працаваць далей.

Раней Валадашчука выклікалі ў ваенкамат і паведамілі, што яго маюць забраць на вайсковыя зборы — маўляў, ён будзе служыць у сакрэтным інфармацыйным цэнтры.

Ужо некалькі месяцаў “Газета Слонімская” знаходзіцца пад пагрозай закрыцьця. Рэдакцыі адмовілі ў працягу дамовы арэнды без тлумачэньня прычыны, а спробы знайсьці памяшканьне нават у прыватных уласьнікаў не даюць ніякага выніку.

На мінулым тыдні Віктар Валадашчук апублікаваў на сайце “Газеты Слонімскай” дакумэнт за подпісам начальніка раённага КДБ Аляксандра Мазалькова, адрасаваны загадчыку псыханэўралягічнага аддзяленьня раённай бальніцы.

У адкрытым лісьце Віктар Валадашчук выказвае зьдзіўленьне тым фактам, што КДБ цікавіцца псыхічным здароўем ягоных блізкіх, і патрабуе, каб начальнік раённага КДБ патлумачыў яму прычыну.

Віктар Валадашчук лічыць, што ўсё гэта робіцца дзеля таго, каб спыніць выхад газэты.

Сытуацыя вакол газеты атрымала розгалас у СМІ. Апрача “Свабоды” пра яе пісалa  “Нямецкая Хваля”, якая нагадала, што “Газэта Слонімская” – адзінае з дзейных недзяржаўных выданьняў на Гарадзеншчыне.

Радыё “Рацыя” з гэтай нагоды піша, што “Газэта Слонімская” мае магчымасьць дайсьці да чытачоў толькі праз сетку распаўсюднікаў, бо “Белпошта” адмовілася ажыцьцяўляць распаўсюд і прымаць падпіску на выданьне.

Міхал Карневіч www.svaboda.org

Ваше имя:

Ваше email:

Введите текст на картинке

Ваши комментарии: