Сёньня часовы павераны ў справах ЗША ў Беларусі Джонатан Мур узяў удзел у онлайн-канфэрэнцыі на сайце “Камсамольскай Праўды”.

Прапануем вашай увазе адказы Дж.Мура на некаторыя пытаньні наведнікаў сайту kp.ru.

Пытаньне: Чаму ЗША і Эўразьвяз заплюшчваюць вочы на таталітарны рэжым у цэнтры Эўропы? Вы чакаеце, калі ў Лукашэнкі зьявіцца ядзерная зброя? Ці, можа, вы баіцёся Расеі?

Мур: Злучаныя Штаты надаюць шмат увагі таму, што адбываецца ў Беларусі. Некаторыя людзі мяркуюць, што мы зашмат увагі надаем Беларусі. Аднак я хацеў бы сказаць, што Беларусь для нас – вельмі важная краіна, якую мы хацелі б бачыць сувэрэннай і незалежнай дзяржавай. Будучы свабоднай дэмакратычнай краінай з рынкавай эканомікай, Беларусь магла б адыгрываць значную ролю ў Эўропе.

Пытаньне: Ці былі раней у гісторыі ЗША выпадкі, калі ў нейкай краіне закрывалася амэрыканская амбасада?

Мур: Так, на працягу гісторыі было некалькі такіх прыкладаў. Вядома, амбасады закрываюцца падчас ваенных дзеяньняў. Вельмі рэдка амбасады закрываліся з палітычных прычынаў. Адзін з такіх прыкладаў – Куба, дзе амбасада ЗША была закрытая ў 1960 годзе і амэрынаксія дыпляматы не вярталіся туды на працягу 17 гадоў. Сытуацыя, якую мы назіраем апошнім часам у Беларусі, беспрэцэдэнтная.

Пытаньне: Ці праўда, што дыпляматам, якія працуюць у Беларусі, даплачваюць да складанасьць?

Мур: Сапраўды, амэрыканскія дыпляматы ў Беларусі і некаторых іншых краінах атрымліваюць невялікую прыплату да заробку.

Радыё Свабода www.svaboda.org

Ваше имя:

Ваше email:

Введите текст на картинке

Ваши комментарии: